काठमाडौं । खोटाङमा बिहे भोज खाएका एकसय भन्दा धेरै गाउँले बिरामी परेका छन्। बिरामीमध्ये केहीको गम्भीर छ। जन्तेढुंगा गाउँपालिका–६ दिप्लुङमा बिहे भोज खाएका सबै गाउँले बिरामी परेका जिल्ला प्रहरी कार्यालय खोटाङले जनाएको छ ।
स्थानीय वर्णबहादुर राईका छोरा किशोर राईको यही माघ २१ गते विवाह भएको थियो। घरमा बेहुली भित्र्याएपछि राई परिवारले माघ २२ गते गाउँलेका लागि भोजको आयोजना गरेका थिए।
पाहुना र गाउँले गरि झण्डै डेढसय जनाले मासुभात, दाल तरकारी, अचारसहितको भोज खाएका थिए। प्रहरीले जनाएको छ ।
भोज खानेलाई ‘फुडपोइजन’ भएको आशंका स्वास्थ्यकर्मीले गरेका छन्। स्वास्थ्य कार्यालय खोटाङका प्रमुख कुलबहादुर पौडेल पनि घटनास्थलमा पुगेका छन्। स्थानीय सुजना राईको घरमा शिविर राखेर अहिले बिरामीको उपचार भइरहेको छ।



