काठमाडौं । इरानी क्षेप्यास्त्र निस्तेज (इन्टरसेप्सन) पार्ने क्रममा खसेको टुक्राले यूएईमा ७ नेपाली घाईते भएका छन् । जसमा एक जनाको अवस्था गम्भीर रहेको छ ।
संयुक्त अरब इमिरेट्स (यूएई) को राजधानी आबुधाबीस्थित अज्बान क्षेत्रमा हवाई सुरक्षा प्रणालीले ड्रोन र मिसाइल अवरोध गरेपछि खसेको अवशेष लागेर ७ नेपाली नागरिक घाइते भएका गल्फ न्युज डटकमले जनाएको छ ।
घटनामा ५ भारतीय नागरिक पनि घाइते भएका छन् । घाइतेहरुको नाम भने सार्वजनिक भएको छैन ।
अज्बान क्षेत्र अबुधाबीको अल ऐनको उत्तरतर्फ र दुबई–अल ऐन सिमाना नजिक पर्छ ।
