काठमाडौं । आईसीसी विश्व कप लिग २ मा नेपालले यूएईविरुद्ध पहिले ब्याटिङ रोजेको छ । आज प्रशिक्षक स्टुआर्ट लले चार परिवर्तन गरेका छन् । आज कुशल भुर्तेल र आशिफ शेखलाई बाहिर राखेर अर्जुन कुमाल र विनोद भण्डारीलाई ओपनको जिम्मेवारी दिइएको छ ।
युवा ओपनर अर्जुन कुमालले राष्ट्रिय टिममा पहिलो पटक मौका पाएका छन् । विकेट किपर तथा टप अर्डर ब्याटर विनोद भण्डारीले चार वर्षपछि एकदिवसीय खेल खेल्दैछन् । उनले पछिल्लो पटक लिग २ मा सन् २०२२ मा स्कटल्यान्डसँग खेलेका थिए ।
यसैगरी ललित नारायण राजवंशी र नन्दन यादवले पनि प्लेइङ इलेभेनमा स्थान बनाए । बसिर अहमद र करण केसीको स्थानमा उनीहरूलाई खेलाइएको छ । अन्य खेलाडीहरूमा भिम सार्की , रोहित पौडेल, आरिफ शेख, दिपेन्द्र सिह ऐरि, सोमपाल कामी, सन्दिप लामिछाने र गुल्सन झा छन् ।
नेपालले यसअघिको खेलमा युएईलाई ३७ रनले हराएको थियो भने ओमानसँग डिएल मेथडमा पराजित भएको थियो।
