काठमाडौं । नेपाली पुरुष क्रिकेट टोली जापानमा हुने एसियन गेम्सका लागि छनोट भएको छ ।
एसियन गेम्स छनोट अन्तर्गत मंगलबार भएको समूह ए को खेलमा मलेसियाले चीनलाई हराएपछि मलेसियासँगै नेपाल पनि छनोट भएको हो ।
नेपालको समूहमा मलेसिया र चीन मात्र थिए । कतारले नाम फिर्ता लिएपछि नेपाल र मलेसियाले एक(एक खेल जित्ने बित्तिकै शीर्ष २ को टुंगो लागेको हो ।
नेपालले आइतबार भएको खेलमा चीनलाई पराजित गरिसकेको थियो । अब नेपाल र मलेसिया बिहिबार समूहविजेता बन्न खेल्नेछन् ।
७ टोली सहभागी छनोट प्रतियोगितामा सहभागी टिमलाई दुई समूहमा विभाजन गरिएको छ । हरेक समूहबाट शीर्ष २ टोली सेमिफाइनल र सेमिफाइनल पुग्ने चारवटै टोली एसियन गेम्समा पुग्छन् ।
