काठमाडौं। फिफा विश्वकप २०२६ मा स्विडेन विजयी शुरुवात गरेको हो । भर्खरै सम्पन्न खेलमा स्विडेनले ट्युनिसियालाई ५–१ को फराकिलो अन्तरले हराएको हो ।
स्विडेनले २ गोल पहिलो र ३ गोल दोस्रो हाफमा गर्यो । ट्यूनिसियाले एक मात्रै गोल पहिलो हाफमा गरेको थियो ।
सोमबार बिहान मेक्सिकोको मोन्टेरे स्टेडियममा भएको खेलमा स्वीडेनका लागि यासिन अयारीले दुई तथा अलेज्यान्डर इसाक, भिक्टर ग्योकेरेस र माथिएस स्भानवर्गले एक-एक गोल गरे । ट्युनिसियाका लागि ओमार रेकिकले गोल गरे ।
यासिन अयारीले खेलको सातौं मिनेटमै गोल गर्दै स्वीडेनलाई अग्रता दिलाएका थिए । ट्युनिसियन बुबा र मोरक्कन आमाबाट स्वीडेनमा जन्मेका अयारीले गोलको सेलेब्रेसन भने गरेनन् ।
अलेज्यान्डर इसाकले ३०औं मिनेटमा उत्कृष्ट गोल गर्दै स्वीडेनको अग्रता दोब्बर पारे ।
तर ट्युनिसियाले पहिलो हाफमै गोल फर्काउँदै खेलमा फर्कने प्रयास गर्यो । । ट्युनिसियाका लागि ओमार रेकिकले ४३औं मिनेटमा गोल गरे ।
दोस्रो हाफमा स्वीडेनले तीन गोल थप्यो । भिक्टोर ग्योकेरेसले ५९औं मिनेटमा गोल गर्दै स्वीडेनलाई ३-१ को अग्रता दिलाए । त्यसपछि स्भानवर्गले ८४औं मिनेटमा स्वीडेनका लागि चौथो गोल गरे ।
सुरुमा असिस्ट्यान्ट रेफ्रीले अफसाइड देखाए पनि भिएआर रिभ्यु पछि मुख्य रेफ्री याएल फाल्कन पेरेजले गोलको मान्यता दिए । स्वीडेन यतिमै रोकिएन यासिन अयारीले दोस्रो हाफको इन्जुरी टाइमको छैटौं मिनेटमा व्यक्तिगत दोस्रो गोल गर्दै फराकिलो जित दिलाए ।
जितपछि स्वीडेनले ३ अंक जोडेर समूहको शीर्ष स्थानमा पुगेको छ ।
