काठमाडौं । विश्वकप फूटबलमा इरान र न्युजिल्यान्डले बराबरी खेलेर अंक बाँडेका छन् ।समूह जी अन्तर्गत अमेरिकाको लस एन्जेलसमा भएको खेल २-२ को बराबरीमा टुंगिएको हो ।
दुई पटक पछि परेको अवस्थामा खेलमा फर्किँदै इरानले खेल बराबरी गर्यो । न्युजल्याण्डका लागि एलिआ जस्टले २ गोल गरे । उनले सातौँ मिनेटमा पहिलो गोल गरेका थिए भने दोस्रो गोल ५४ मिनेटमा गरे ।
इरानका लागि रामिन रेजेन्सियाले ३२ मिनेटमा गोल फर्काएका थिए । यस्तै, ६४ औँ मिनेटमा मोहम्मद मोहबीले गोल गरेका थिए । खेल बराबरीमा टुंगिएसँगै दुई टोलीले १-१ अंक बाँडेका छन् ।
