काठमाडौं । स्पेनले फिफा विश्वकप २०२६ मा साउदी अरेबियामाथि फराकिलो जित हासिल गरेको छ । एटलान्टा स्टेडियममा आईतवार राति भएको खेलमा स्पेनले साउदीलाई ४–० ले हराएको हो । पहिलो खेलमा केप भर्डेसँग गोलरहित बराबरीमा रोकिएको स्पेनले अब नकआउट चरण पुग्ने सम्भवना बलियो बनाएको छ ।
स्पेनको जितमा मिकेल ओयार्जाबलले दुई र लामिन यमालले एक गोल गर्दा एक आत्मघाती गोल उपहार पायो । १०औं मिनेटमा मिकेल ओयार्जाबलको पासमा लामिन यामालले गोल गर्दै स्पेनलाई अग्रता दिलाए । त्यसपछि मिकेलले २१औं र २४औं मिनेटमा गोल गर्दै अग्रता तेब्बर बनाए ।
पहिलो हाफमा आक्रमक बनेको स्पेनले त्यसपछि गोल गर्न सकेन । खेलको ४९औं मिनेटमा साउदीले हसन अल्ताम्बक्तिले आत्मघाती गोल गर्दा स्पेनको अग्रता ४–० पुग्यो । त्यसपछि पनि दुवै टोलीले उत्तिकै अवसर पाएपनि गोल गर्न सकेनन् । गोल गरेका दुवै जनालाई स्पेनले पहिलो हाफको खेलपछि आराम दियो ।
योसँगै स्पेन २ खेलबाट ४ अंक जोड्दै समूह ‘एच’ को शीर्ष स्थानमा उक्लिएको छ । उरुग्वे, साउदी अरेबिया र केप भर्डेको समान एक अंक छ
