काठमाडौं । कप्तान लियोनल मेस्सीको कीर्तिमानी गोलमा अष्ट्रियालाई हराउँदै अर्जेन्टिना विश्वकप फुटबलको नकआउट चरणमा प्रवेश गरेको छ । सोमवार राति अमेरिकाको ड्यालसमा स्टेडियममा भएको खेलमा अष्ट्रियालाई २–० ले हराउँदै अर्जेन्टिना नकआउट चरणमा प्रवेश गरेको हो ।
अर्जेन्टिनाको जितमा दुवै गोल कप्तान मेस्सीले गोल गरे । उनले ३८औं मिनेटमा पहिलो गोल गर्दै टोलीलाई अग्रता दिलाएका थिए । दोस्रो हाफको इन्जुरी समयमा अर्को गोल गर्दै मेस्सीले २–० को जित दिलाए ।
यो खेलमा मेस्सीले जर्मनीका मिरोस्लाभ क्लोसलाई पछि पार्दै सर्वाधिक गोल गर्ने कीर्तिमानसमेत बनाएका छन् । उनले विश्वकपमा १८ गोल गरिसकेका छन् । उनले यो खेलमा पेनाल्टी मिस गरेका थिए ।
समूह ‘जे’ मा अर्जेन्टिनाले लगातार दोस्रो जित निकाल्दै ६ अंक जोडेर शीर्ष स्थानमा छ । अष्ट्रिया २ खेलबाट ३ अंक जोड्दै दोस्रो स्थानमा छ । समान एक खेल खेलेका जोर्डन र अल्जेरिया अंकविहीन छन्
