काठमाडौं । निकै संघर्षपूर्ण र रोमाञ्चक खेलमा पहिलो पटक विश्वकप खेलिरहेको केप भर्डेलाई हराउँदै तीन पटकको विजेता अर्जेन्टिना विश्वकपको अन्तिम १६ मा प्रवेश गरेको छ ।
अमेरिकाको मियामीमा भएको थ्रिलिङ म्याचमा केप भर्डलाई ३-२ ले हराउँदै अर्जेन्टिना अन्तिम १६ मा प्रवेश गरेको हो ।
दोस्रोपटक बराबरी गोल फर्काएको केप भर्डे आत्मघाती गोलका कारण पराजित हुन पुग्यो ।
२९औं मिनेटका कप्तान लियोनल मेसीले गोल गर्दै अर्जेन्टिनालाई अग्रता दिलाएका थिए । तर, ५९औं मिनेटमाडेरोय डुआर्टेले गोल गर्दै केप भर्डेलाई बराबरीमा फर्काए ।
निर्धारित समयमा १–१ को बराबरी भएपछि खेल अतिरिक्त समयमा धकेलिएको थियो । अतिरिक्त समयको दोस्रो मिनेटमै अर्जेन्टिनाले अग्रता लियो । अर्जेन्टिनाका लागि लिसान्ड्रो मार्टिनेजले गाेल गरे ।
त्यसको ११ मिनेटपछि सिड्नी लोप्स क्याब्रलले उत्कृष्ट गोल गर्दै केड भर्डेलाई दोस्रोपटक बराबरीमा फर्काए। तर, १११औं मिनेटमा डाइनी बोर्जेसले आत्मघाती गोल गर्दा केप भर्डे पराजित भयाे ।
लियोनल मेसीले प्रहार गरेको कर्नर बल क्रिस्टियन रोमेरोले हेड गर्दा डिनेलाई लागेर गोल हुन पुग्यो। र, अहिले गोलनै अर्जेन्टिनाका लागि विजयी गोल बन्यो ।
पहिलोपटक विश्वकपमा सहभागिता जनाएको केप भर्डले विश्व विजेतालाई आच्छुआच्छु पार्यो। अब अर्जेन्टिनाले अन्तिम १६ मा इजिप्टको सामना गर्नेछ। पहिलोपटक विश्वकपमा सहभागिता जनाएको केप भर्ड अन्तिम ३२ बाट बाहिरिन पुग्यो।
