काठमाडौं । सर्लाहीमा आफैंमाथि पेट्रोल छर्केर आगजनी गर्दा गम्भीर घाइते भएका विवेक मण्डलको उपचारको क्रममा मृत्यु भएको छ।
मंगलबार बिहान २:४० बजे कीर्तिपुरस्थित बर्न अस्पतालमा उपचारको क्रममा रहेका मण्डलको मृत्यु भएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।
असार २६ गते सर्लाहीमा गडैता नगरपालिका वडा नम्बर १० का ३५ वर्षीय मण्डलले आफ्नो घर नजिकै पेट्रोल छर्केर आफैंमाथि आगाे लगाएका थिए । आगजनी गरेपछि उपचारका लागि हेलिकप्टरमार्फत काठमाडौं ल्याइएको थियो।
यसअघि पनि दुई जनाले आत्मदाह गरेका छन्।
काठमाडौंमा गणेश नेपाली र अश्विन राउतले पनि आफैंमाथि आगजनी गरेका थिए। उनीहरू दुबै जनाको वीर अस्पतालमा उपचारको क्रममा मृत्यु भएको थियो।
