काठमाडौं,साउन १८ । अवैध रकम लुकाएको आरोपमा नेपाल उद्योग परिसंघ कोशी प्रदेश उपाध्यक्ष प्रकाश मुन्दडाको घरमा प्रहरीले छापा मारेको छ ।
बिहान ४ बजेदेखि मुन्दडाको विराटनगर-७ स्थित निवास र कार्यालयमा साढे ५ घण्टा खानतलासी गर्दा पनि केही नभेटेपछि प्रहरी रित्तो हात फर्किएको छ । निवास र कार्यालयमा घेरा हालेर प्रहरीले खानतलासी गरेको थियो ।
खानतलासीका क्रममा शंकास्पद बस्तु नभेटिएको मोरङ प्रहरी प्रमुख एसपी कवित कटवालले बताए । मुन्दडा चाँदीको व्यापार गर्ने ठूला व्यापारी मध्ये पर्छन् ।
