काठमाडौं । प्रधानमन्त्री वालेन्द्र शाह (बालेन) ले अहिले आफू एक्लै लडिरहेको बताएका छन् । सामाजिक सञ्जाल फेसबुकमार्फत प्रधानमन्त्रीले यस्तो प्रतिक्रिया जनाएका हुन् ।
“कहिलेकाहीँ एक्लै लड्नुपर्छ,“ शुक्रबार बालेनले फेसबुकमा लेखेका छन्, “यो पहिलो चोटी होइन ।“ उनले सही समय आउन केही समय लाग्ने पनि बताएका छन् । ढिला भए पनि गलत नहुने उनको भनाइ छ ।
“सुनेको र देखेकोभन्दा वास्तविकता कहिलेकाहीँ फरक हुन सक्छ,“ बालेनले भनेका छन् ।
सरकारको कामकारवाहीलाई लिएर संसदमा रास्वपाका सांसदहरुनै आक्रामक भएकै दिन प्रधानमन्त्रीको यस्तो प्रतिक्रिया आउनुलाई अर्थपूर्ण मानिएको छ ।
शुक्रवार दिउँसो संसद बैठकमा रास्वपाका सांसदहरुले सरकारको शासनशैली र कार्यक्षमतामाथि प्रश्न उठाएका थिए, त्यसपछि राति प्रधानमन्त्रीको प्रतिक्रिया आएको छ ।
यसलाई रास्वपामा सभापति रवि लामिछाने र प्रधानमन्त्री वालेन्द्र शाह पक्षबीच देखिएको मतभेदको प्रभावका रूपमा हेरिएको छ।
