काठमाडौं । कोलम्बियामा ७.४ म्याग्निच्युडको शक्तिशाली भूकम्प गएको छ । । कोलम्बियाको भूगर्भीय सेवाका अनुसार स्थानीय समयअनुसार सोमबार बिहान ७ बजेर ३४ मिनेटमा चोको प्रान्तको सान होसे डेल पाल्मारनजिक केन्द्रबिन्दु बनाएर भूकम्प गएको भूकम्पमा कम्तीमा १११ जनाको मृत्यु भएको छ ।
भूकम्पले थुप्रै भवन भत्किएकाले केही मानिस भग्नावशेषमा फसेको आशंका छ । मृतकको संख्या अझै बढ्न सक्ने अधिकारीहरूले बताएका अन्तरराष्टिय संचार माध्यमले जनाएका छन् ।
भूकम्पपछि सरकारले प्रभावित क्षेत्रमा आपत्कालीन अवस्था घोषणा गरेको छ थियो । अमेरिकी भूगर्भ सर्वेक्षण (यूएसजीएस) ले पनि पश्चिमी कोलम्बियामा ७.४ म्याग्निच्युडको भूकम्प गएको पुष्टि गरेको छ । यूएसजीएसका अनुसार भूकम्पको केन्द्रबिन्दु सान होसे डेल पाल्मारबाट करिब ३ माइल पूर्वतर्फ र राजधानी बोगोटाबाट करिब २८० किलोमिटर पश्चिममा थियो । भूकम्प करिब १०३ किलोमिटर गहिराइमा गएको बताइएको छ ।
