२५ बैशाख, काठमाण्डौ । नेकपा एमालेका अध्यक्ष केपी शर्मा ओलीले १० वर्षका लागि स्थानीय, प्रदेश र संघीय चुनावमा एमालेलाई जिताउन अपील गरेका छन । पत्रकार सम्मेलन गरी ६७ बुँदे अपिल जारी गर्दै ओलीले कम्तीमा दुई अवधि तीनै तहमा सरकारको नेतृत्व दिन अपील गरेका हुन । ‘अब कम्तिमा दुई अवधि (पाँच–पाँच वर्ष) को निर्वाचनमा स्थानीय तह, प्रदेश र संघीय संसद्मा नेकपा (एमाले)लाई अत्याधिक बहुमतले विजयी बनाई नेपालको विकास र नेपालीको सुखको चीर प्रतिक्षित आकाङ्क्षा पूरा गर्न र देशमा स्थिरता र स्थायित्व कायम गर्नका लागि आदरणीय मतदाताहरू समक्ष साथ, समर्थन र सहयोगका लागि हार्दिक आग्रह गर्दछु । ’ ओलीले पत्रकार सम्मेलनमा भने– गठबन्धन बनाउनका लागि जनताको मत चाहिँदैन, जनताको मत त नेपालको विकास र समृद्धिको सुनौलो युग ल्याउनका लागि चाहिन्छ । त्यो युग नेकपा (एमाले)ले शुरू गरिसकेको छ र अबको पाँच वर्षमा सम्पन्न गर्दछ । अर्को पाँच वर्षमा हामी प्राप्त उपलब्धिलाई दिगो बनाई थप उत्कृष्ट र नवीन बनाउने सुनिश्चित गर्दछौं ।’   यस्तो छ एमालेको ६७ बुँदे अपिल: नेकपा (एमाले) को आम मतदातामा अपील