२६ बैशाख, पोखरा । पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीले नेपालका बुद्धिजीको ज्ञान,क्षमता र हैसियतमाथि प्रश्न उठाएका छन । पोखरामा एमालेले गरेको चुनावी सभालाई सम्बोधन गर्दै ओलीले बुद्धिजीबीको ल्याकतमाथि प्रश्न उठाएका हुन ।
बुद्धिजीवीहरूप्रति आक्रोश व्यक्त गर्दै ओलीले आफ्नो विचार बुझ्ने बुद्धिजीवी नेपालमै नभएको समेत दावी गरे ।
‘मेरो विचारलाई बुझ्ने बुद्धिजीवी नेपालमा थोरै मात्र छन । मैले राखेको राष्ट्र निर्माणको विचारलाई उखान टुक्का भन्छन् । ’ ओलीले भने । ओलीका अनु्सार नेपालमा बुद्धिजीवी नै छैनन । ‘काँग्रेसले नेता कार्यकर्ताले त मेरो विचार बुझ्ने हैसियत नै राख्दैनन् ठिकै छ तर बुद्धिजीवीहरूले त बुझ्न पर्यो नि ? ओलीले आक्रोश व्यक्त गर्दै भने– त्यसैले मैले उनीहरूलाई सो कोल्ड बुद्धिजीवी भन्ने गरेको छु । ’
गठबन्धनले निर्वाचनमा धाँधली गराउनका लागि कसरत गरिरहेको आरोप लगाउँदै ओलीले शान्तिपूर्ण निर्वाचन गराउनका लागि निर्वाचन आयोग र प्रहरी प्रशासनसँग आग्रह गरे । ओलीले कार्यक्रममा पाँच दलीय गठबन्धन देशको कलङ्क भएको आरोप पनि लगाए ।
उनले गठबन्धनले चुनाव जित्न धाँधली गर्ने भन्दै चनाखो बन्न समेत कार्यकर्तालाई आग्रह गरे ।