काठमाडौं । प्रहरीले राष्ट्रिय क्रिकेट टोलीका कप्तान सन्दीप लामिछानेले किशोरीलाई लगेर जबरजस्ती करणी गरेको भनिएको होटलको क्लोज सर्किट (सीसी) क्यामेराका दृश्य प्रहरीले संकलन गरेको छ ।
ती दृश्यमा लामिछाने र पीडित भनिएकी युवती ५ भदौमा होटलको कोठा नम्बर ३०५ सम्म पुगेको देखिएको प्रहरीले जनाएको छ ।
होटल काठमाडौं इनमा लामिछाने किशोरीसहित राति ११:५५ बजे पुगेका प्रहरी परिसर, काठमाडौंका एक अधिकृतले बताएका छन । उनीहरु बिहान साढे ६ बजेतिर फर्किएको देखिएको छ ।
लामिछानेले होटलका सञ्चालकलाई फोन गरेरै कोठा 'बुक' गरेको पनि पाइएको छ । पीडितको बयान अनुसार उनले दुईवटा कोठा बुक गर्न भनेकी थिइन् । तर लामिछानेले एउटा मात्र कोठा खाली भएको भन्दै एउटैमा बस्नुपर्ने बताएका थिए ।
राति लामिछानेले मादक पदार्थ पनि सेवन गरेको र पटक पटक जबरजस्ती करणी गरेको किटानी जाहेरीमा उल्लेख रहेको काठमाडौं प्रहरी परिसरका प्रमुख भरतबहादुर बोहराले बताए ।
प्रहरीले नगरकोटमा उनीहरु गएको भनिएको होटलको पनि सीसी टीभी फुटेज संकलन गरेको छ । लामिछाने अहिले क्याराबियन प्रिमियर लिग ९सीपीएल० क्रिकेट खेल्नका लागि जमैकामा छन् । र आफूमाथि लागेको अभियोगबारे हालसम्म लामिछाने मौन छन् ।