काठमाडौं । आगामी चुनावका लागि सिटको भागबन्डा गर्न बसेको सत्ता गठबन्धनको शीर्ष बैठक बिना निष्कर्ष सकिएको छ । प्रधानमन्त्रीको सरकारी निवास बालुवाटारमा बसेको बैठकमा सहमति हुन नसकेको एकीकृत समाजवादीका सम्मानित नेता झलनाथ खनालले जानकारी दिए । खनालले भोलि सोमबार विहान आठ बजे बैठक बस्ने र त्यसले सबै कुरा टुंगो लगाउने बताए । "आज कार्यदलले रिपोर्टिङ गर्यो,कयौं कुरा मिलेका छन, केही मिल्न बांकि छ ।" खनालले भने- भोलि बस्ने बैठकले टुंगो लगाउनेछ ।" यसअघि शनिबार बसेको बैठक पनि निष्कर्षविहीन भएको थियो। गठबन्धनमा संघीय संसदकै सिटमा विवाद छ । खासगरी खास मधेश प्रदेशका सिटलाई लिएर कांग्रेस र जनता समाजवादीबीच चर्को मतभेद छ भने एकीकृत समाजवादीले ४० सिट मागेपछि त्यसले पनि अफ्ठेरो सिर्जना गरेको छ । कांग्रेसले १०० सिट माग्दा अरुले विरोध गरिरहेका छन भने माओवादीले पनि ६० सिट बढी मागेको भनेर कांग्रेसले प्रतिवाद गरेको छ ।