काठमाडौं । निर्वाचन आयोगले लालपुर्जा वितरण नगर्ने राष्ट्रिय भूमि आयोगलाई निर्देशन दिएको छ ।  आसन्न चुनावको निष्पक्षता र स्वच्छताका लागि भन्दै आयोगले लालपुर्जा वितरणमा रोक लगाएको हो । आफू र आफू मातहतका कार्यालयबाट यस्ता काम नगर्न र नगराउन निर्वाचन आयोगले भूमि आयोगलाई भनेको छ । यस्तै निर्वाचन आयोगले विदेश भ्रमण नगर्न नेपाल सरकार,प्रदेश सरकार र स्थानीय सरकारलाई भनेको छ । तर आयोजक र प्रायोजकले आर्थिक भार बेहोर्ने ठाउँमा जान सक्नेछन ।