काठमाडौं । महाअभियोग सिफारिस समितिमा निलम्बित प्रधानन्यायाधीश चोलेन्द्र शमशेर जबरासँगको पुरक बयान सुरु भएको छ ।
महाअभियोग सिफारिस समितिले जबरासँग आज शुक्रबार विहान १० बजेबाट पुरक प्रश्नहरु सोधेर बयान लिन सुरु गरेको हो ।
यसअघि समितिले जबरासँग ४० भन्दा बढी प्रश्नहरु तयार पारेर सोधपुछ गरेको थियो ।
बैठकमा नेकपा एमालेका सांसदहरुले निलम्बित प्रधानन्यायाधीश चोलेन्द्र शम्शेर जबराका विषयमा थप कागजातहरु संकलन गर्ने प्रस्ताव गरेका छन् ।
महाअभियोग सिफारिस समितिको आजको बैठकमा नेकपा एमालेका सांसदहरु कृष्णभक्त पोखरेल, लालबाबु पण्डित र शिवमाया तुम्बाहाङ्फेले कागजात मगाएर मात्रै अगाडि बढ्नुपर्ने माग गरेका हुन ।