काठमाडौ। पहिरोले घर पुरिंदा अछाममा १७ जनाको मृत्यु भएको छ । कमलबजार नगरपालिकामा १२,तुर्माखांद गाउँपालिकामा ४ र ढकारी गाउँ पालिकामा १ जनाको मृत्यु भएको अछामका सहायक प्रमुख जिल्ला अधिकारी दीपेश रिजालले जानकारी दिए  । अरू ६  जना बेपत्ता छन । कमलबजार-८ मा एकै परिवारका ५ र वडानंबर ६ मा एकजना गर्भवती सहित ७ जनाको मृत्यु भएको नगरप्रमुख यज्ञप्रसाद ढकालले साझा पोष्टलाई जानकारी दिए । तुर्माखांद गापा-५ मा ४ जनाको मृत्यु भएको उपाध्यक्ष विमलाकुमारी शाहीले जानकारी दिइन ।