काठमाडौं । ८ दिनदेखि अनशनमा रहेका डा गोविन्द केसीलाई उपचारका लगि सुविधासम्पन्न अस्पतालमा लैजाल सेती प्रादेशिक अस्पतालले आग्रह गरेको छ । अस्पतालका प्रवक्ता डा। शेरबहादुर कमरले आज एक विज्ञप्ती जारी गर्दै केसीको उपचारका लागि सुविधा सम्पन्न अस्पतालमा लैजान आग्रह गरेका हुन् । केसीको मांशपेशी सुक्दै गएको र अल्सर भई रक्तश्राबको शंका भएको विज्ञप्तीमा उल्लेख छ । केसीलाई पेट दुख्ने, कमजोरी हुने, टाउको दुख्ने, रिङटा लाग्ने, स्वास फेर्न गाह्रो हुने, मांशपेशी बाँउडिने, मुटुको धडकन गडबडी र अक्सिजनको मात्रा घट्दै गएको पनि अस्पतालले जनाएको छ । धनगढी स्थित कृष्णमन्दिरको धर्मशालामा अनशन बसेका केसीको स्वास्थ्यमा समस्या देखिएपछि अनशन बसेको ३ दिनपछि २९ भदौमा सेती प्रादेशिक अस्पतालमा भर्ना भएका थिए । हेर्नुहोस् अस्पतालको विज्ञप्ति: