काठमाडौं । राष्ट्रपति विद्यादेवी भण्डारीले नागरिकता विधेयक प्रमाणीकरण नगरेपछि प्रधानमन्त्री शेरबहादुर देउवाले कानुनविदसँग छलफल गर्ने भएका छन् ।
सत्ता गठबन्धनको बैठक लगत्तै कानुनविद्हरुलाई प्रधानमन्त्री देउवाले वालुवाटार बोलाएका छन् ।
राष्ट्रपति विद्यादेवी भण्डारीको कदमबारे छलफल गर्न कानुनविद्हरुलाई वालुवाटारमा बोलाइएको हो । दिउँसो साढे ३ बजे कानुनविदहरूलाई बोलाइएको प्रधानमन्त्री सचिवालयले जनाएको छ ।
यसअघि सत्तारुढ गठबन्धनमा रहेका चार राजनीतिक दलले संयुक्त विज्ञप्ति जारी गरी नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको कदमले संवैधानिक व्यवस्थामाथि नै प्रहार गरेको ठहर गरिसकेको छ ।