काठमाडौं । घटस्थापनाको पहिलो दिन आज काठमाडौंको हनुमानढोकास्थित दसैँघरमा विधिवत रूपमा जमरा राखिएको छ । बिहान १० बजेर २३ मिनेटको शुभसाइतमा हनुमानढोका दरबारका पुजारीले जमरा राखेका हुन् ।

त्यसक्रममा नेपाली सेनाको ब्याण्ड बाजा टोलीले मंगल धुन बजाउनुका साथै बन्दुक पड्काएर बढाइँ गरिएको छ ।दसैँघरमा घटस्थापनापछि दैनिक बलि दिई विधिपूर्वक पूजा आराधना गरिन्छ । यस वर्ष पनि महानवमीका दिन हनुमानढोकाको कोतमा ५४ बोका र ५४ राँगासहितको बलि दिइन्छ ।