काठमाडौं । आगामी फागुन २ मा नेपालमा हुन लागेको आईसीसी विश्वकप क्रिकेट लिग–टू अन्तर्गत त्रिदेशीय सिरिजको लागि नेपाली क्रिकेट टोलीले तयारी गरिरहेको छ ।
नेपाल, नामिबिया र स्कटल्याण्ड सम्मिलित त्रिदेशीय क्रिकेट शृङ्खलालाई लक्षित गरेर बन्द प्रशिक्षण चलिरहेको छ । बलात्कार आरोप लागेका सन्दीप लामिछानेसहित २० जना खेलाडीहरु बन्द प्रशिक्षणमा छन् ।
क्यानको खेलाडी छनोट समितिले यस शृङ्खलालाई लक्षित गरेर सन्दीपलाई पनि बन्द प्रशिक्षणमा बोलाएको हो । गएको बुधबार पोखरामा बसेको नेपाल क्रिकेट सङ्घ ९क्यान० को बैठकले सन्दीपको निलम्बन फुकुवा गरेपछि उनी राष्ट्रिय टिममा फर्किएका हुन् । बन्द प्रशिक्षणमा रहेका खेलाडीहरुले त्रिवि क्रिकेट मैदानमा नियमित अभ्यास गरिरहेका छन् ।