काठमाडौं । मन्त्रालय भागबण्डा टुंग्याउन सत्ता गठबन्धनको बैठक बस्दैछ । बैठक दिउँसो ४ बजे प्रधानमन्त्री निवास वालुवाटारमा बस्न लागेको हो ।
प्रधानमन्त्री पुष्पकमल दाहाल प्रचण्डले मन्त्रिपरिषद् विस्तारका बारेमा छलफल गर्न गठबन्धनको बैठक बोलाएका हुन् । प्रधानमन्त्री प्रचण्डले विश्वासको मत लिएको दुई तीन दिन भित्र मन्त्रिपरिषद्लाई पूर्णता दिने बताएका थिए ।
सरकारमा सहभागिताका हुने विषयमा प्रधानमन्त्री प्रचण्ड र कांग्रेस सभापति शेरबहादुर देउवाबीच मंगलबार साँझ छलफल भएको थियो । हिजो बिहान कांग्रेस उपसभापति पूर्णबहादुर खड्काले प्रधानमन्त्रीलाई भेटेका थिए ।
अहिले सत्ता गठबन्धनमा माओवादी, कांग्रेससहित राष्ट्रिय स्वतन्त्र पार्टी, जनता समाजवादी पार्टी, नेकपा एकीकृत समाजवादी, लोकतान्त्रिक समाजवादी पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चासहितका पार्टीहरू छन् ।