काठमाडौं । नेकपा एमालेले नेकपा एकीकृत समाजवादीसहित विभिन्न पार्टी छोडेर आएकाहरुलाई केन्द्रीय सदस्य बनाएको छ ।

एमाले सचिवालय बैठकले एकीकृत समाजवादीबाट वरिष्ठ उपाध्यक्षको जिम्मेवारी छाडेर फर्किएका मुकुन्द न्यौपाने सहित १३ जनालाई केन्द्रीय सदस्य बनाएको छ । 

 एकीकृत समाजवादी छाडेर फर्किएका भागवत विश्वासी र चूडामणि जंगली तथा जनता समाजवादीबाट फर्किएका हेमराज राईलाई पनि केन्द्रीय सदस्य बनाइएको एमाले उपमहासचिव प्रदीप ज्ञवालीले जानकारी दिए । नेकपा माओवादी केन्द्र छाडेका नेता यामबहादुर परियारलाई नेकपा एमालेले केन्द्रीय सदस्य बनाएको छ। जनता समाजवादी पार्टी छोडेर एमाले प्रवेश गरेका उमाशंकर अरगरियालाई पनि एमालेले केन्द्रीय सदस्य बनाएको छ । 

को को बने केन्द्रीय सदस्य? 

१. मुकुन्द न्यौपाने, काठमाडौं

२. प्रेमबहादुर सिंह, कालिकोट

३. चूडामणि जंगली, कास्की

४.  भागवत विश्वासी, दाङ

५. हेमराज राई, भोजपुर

६. ठम्मर विष्ट, सुर्खेत

७. उमाशंकर अरगरिया, धनुषा

८. यामबहादुर परियार, चितवन

९. इकवाल मियाँ, बारा

१०. गणेश खनाल, गुल्मी

११. सुरेन्द्र मानन्धर, काठमाडौं

१२. अजय गुप्ता, रौतहट

१२. प्रेम तामाङ, रसुवा