काठमाडौं । अर्घाखाँची समाज जापानले हरितालिका तीजका अवसरमा नेपालको पहिलो महिला रेस्लर भगवती खड्कालाई सम्मान गरेको छ ।
तीजको दरसँगै अर्घाखाँची समाज जापानले महिला रेस्लर खड्कालाई सम्मान गरेको हो । कार्यक्रममा मौलिक भाकामा तीज गीत प्रस्तुत गरिएको थियो भने
कलाकार चेतन घर्ती मगरले गीत मार्फ़त मनोरंजन प्रदान गरेका थिए ।
कार्यक्रममा पत्रकार महासंघ जापानका अध्यक्ष शान्त पहरी,अर्घाखाँची घर हाल विद्यावारिधिको शिलशिलामा जापानमा रहेका नेपाल सरकारका सह–सचिव शेष नारायण पौड्याल नेपाल सरकारका उप–सचिव श्रीधर गौतम,समाजका सल्लाकार बाबूराम पौड्याल, लगायतको उपस्थिति रहेको समाजका सचिव अर्जुन आचार्यले जानकारी दिए । कार्यक्रममा अर्घाखाँचीबाट विभिन्न पेशा व्यावसायमा आवद्ध झन्डै २०० जनाको उपस्थिति थियो।
