काठमाडौं । पश्चिमी गाजामा राहत सामाग्री लिन पर्खिरहेका १ सय १२ जना प्यालेस्टिनी नागरिकको इजरायली आक्रमण गर्दा मृत्यु भएको छ ।
इजरायली सेनाले गरेको बम आक्रमणमा अन्य ७ सय ६० भन्दा बढी घाइते भएको बताइएको छ । अस्पतालमा चिकित्सक र उपकरणको अभावहुँदा घाइतेको उपचारमा कठिनाइ भएको छ । युद्ध विरामका लागि छलफल जारी रहँदा इजरायली सेनाले गाजा शहरको पश्चिम क्षेत्रमा आक्रमण गरेको बीबीसीले जनाएको छ ।
प्रत्यक्षदर्शीका अनुसार इजरायली सेनाले गाजा शहरको पश्चिममा अल–राशिद स्ट्रिटमा नागरिकको भेलालाई आक्रमणको निशाना बनाएको थियो ।
