काठमाडौं । साहित्यकार तथा गीतकार प्रकट पगेनी ‘शिव’को निधन भएको छ ।निमोनियाका कारण स्वास्थ्यमा गम्भीर समस्या देखिएपछि पोखराको मणिपाल शिक्षण अस्पतालमा भर्ना गरिएका पगेनीको ७० वर्षको उमेरमा मंगलबार निधन भएको हो। ।
भोलि बिहान १२ः१० बजे मणिपाल अस्पतालबाट उनको शवयात्रा सुरू गरी फुलबारी घाटमा अन्त्येष्टि गरिने जनाइएको छ।
उनका गजल, कविता र गीत संग्रह प्रकाशित छन्। कविता, गीतसहित शृंगारिक गजलका कारण प्रख्यात शिवको उपचारका लागि समस्या भएपछि आर्थिक संकलन अभियानसमेत थालिएको थियो । साहित्यकार शिवको परिवारको आग्रहमा पोखरेली युवा सांस्कृतिक परिवारको अगुवाइमा आर्थिक संकलन थालिएको थियो ।