काठमाडौं । नेपाल मजदुर किसान पार्टीको गढ मानिने भक्तपुर क्षेत्र नम्बर १ मा पनि यो पटक रास्वपाले अग्रता लिएको छ ।
नेमकिपाले २०४८ सालयता भएका सबै निर्वाचन जित्दै आएकामा राष्ट्रिय स्वतन्त्र पार्टीका रुकेश रञ्जितले अग्रता लिएका छन् ।
निर्वाचन आयोगले दिएको पछिल्लो मतगणना विवरण अनुसार रास्वपाका रञ्जितले ४ हजार ४११ मत ल्याएर अग्रता लिँदा नेमकिपाका प्रेम सुवालले २ हजार ७५५ मत पाएका छन्।
रञ्जित र सुवालबीच १६५६ मत मतान्तर देखिन्छ। सो क्षेत्रमा कांग्रेसका किरण न्यौपानेले ६५९ मत पाएका छन्।
