काठमाडौं । कर्णाली प्रदेशको जुम्लामा राष्ट्रिय स्वतन्त्र पार्टीकी उम्मेदवार विनिता कठायतको धरौटी जफत भयो । यो हार विनिता र रास्वपाका लागि बिर्सन लायक रह्यो ।
निवर्तमान सांसद कठायतको यो ढंगको हार अनपेक्षित थियो । यहाँ राप्रपाका ज्ञानेन्द्र शाही पार्टी र १४ हजार ८१६ मत ल्याएर विजयी हुँदा रास्वपाकी विनिताले ४२१ मत पाईन् ।
प्रत्यक्षतर्फ यस्तो कन्त बिजोग भएपनि समानुपातिकमा जुम्लामा रास्वपाले पाएको मत निराशाजनक छैन, जुम्लामा राष्ट्रिय स्वतन्त्र पार्टीले समानुपातिकमा ५ हजार ११८ मत पाएको छ ।
प्रत्यक्षतर्फ ज्ञानेन्द्र शाहीसँग आफ्ना उम्मेदवार नरेश भण्डारी हारे पनि नेकपाले यहाँ सबैभन्दा धेरै समानुपातिक भोट पाएको छ ।
नेकपाले १०,२०२, दोस्रो स्थानमा रहेको नेपाली कांग्रेसले ९ हजार ३६०, तेस्रो स्थानमा रहेको राप्रपाले ६ हजार ५५२ र चौथो स्थानमा रहेको नेकपा एमालेले ६ हजार २९ मत पाएको छ ।
रास्वपा यहाँ पाँचौ स्थानमा छ ।
