काठमाडौं । रास्वपाले नवनिर्वाचित सांसदहरूका लागि आयोजना गरेको अभिमुखीकरण कार्यक्रमका लागि सांसदहरू भेला भैरहेका छन् ।
१८२ सीटसहित सरकार बनाउने तयारीमा रहेको रास्वपाले आफ्ना अधिकांश सांसद नयाँ भएकाले संसदीय अभ्यास र आचारसंहिता लगायत विषयमा अभिमुखीकरण र प्रशिक्षणका लागि २ दिने कार्यशाला आयोजना गरेको छ ।
ग्वार्कोस्थित होटल रोयल टुलिपमा तय गरिएको कार्यक्रममा विज्ञहरूले प्रशिक्षण दिनेछन् । दुईदिने अभिमुखीकरणमा सांसदलाई संसदीय अभ्यास, नीति निर्माण, संसद्को कार्यप्रणाली तथा जनप्रतिनिधिको जिम्मेवारी, पार्टीले अबलम्बन गर्नुपर्ने नीति लगायतमा प्रशिक्षित गराइने छ ।
