काठमाडौं । नेपालले आज यूएईविरुद्धको पहिलो टी–२० आई मा पहिले ब्याटिङ गर्ने भएको छ ।
कीर्तिपुरमा टस जितेर नेपालका कप्तान दीपेन्द्रसिंह ऐरीले ब्याटिङ रोजेका हुन् । दीपेन्द्रको कप्तानीमा नेपालले पहिलो पटक खेल्दैछ । खेल अहिले ५ बजे शुरु हुनेछ ।
नेपालले पहिलो पटक फ्लडलाइटमा अन्तर्राष्ट्रिय प्रतियोगिता आयोजना गरेको हो । दुई वर्षपछि घरेलु मैदानमा अन्तर्राष्ट्रिय खेल खेल्न लागेको नेपालका लागि यो ऐतिहासिक क्षण हो ।
नेपाल र यूएई चीर परिचित प्रतिद्वन्द्वी हुन्। टी–२०आईमा दुई टोलीबीच ११ खेल भएका छन्। नेपालले ६ खेल जित्दा यूएई ५ पटक विजयी भएको छ । कीर्तिपुरमा एकमात्र खेल हुँदा यूएईले बाजी मारेको थियो ।
