काठमाडौं । विश्वकप लिग २ अन्तर्गत कीर्तिपुरमा भैरहेको खेलमा अमेरिकाले नेपाललाई १ सय ९६ रनको लक्ष्य दिएको छ ।
टस जितेर पहिले ब्याटिङ गरेको पाहुना टोलीले मा अलआउट हुँदै १ सय ९५ रन बनायो । अमेरिकाले राम्रो शुरुवात गरेपनि नेपाली बलरले उत्कृष्ट कम ब्याक गर्दै अमेरिकालाई २ सय रन भित्रै प्याक गरे । एक समय अमेरिका १२२ २ को अवस्थामा थियो । तर दीपेन्द्र सिंह ऐरी र सोमपाल कामीले उत्कृष्ट बलिङ गर्दै नेपाललाई लयमा ल्याए ।
सोमपालले ८३ रन बनाएका स्मित पटेल, ऐरीेले ५० रन बनाए सेहान जयसुरिया र २८ रन बनाएका मिलिन्द कुमारलाई शिकार बनाएपछि अमेरिका कमजोर बन्यो । र, ४३ ओभर ३ बल खेलेर अलआउट भयो । सन्दीप लामिछानेले कप्तान साइतेजा मुक्कामल्लालाई आउट गरे ।
नेपालका लागि दीपेन्द्रसिंह ऐरीले ४, सोमपाल कामीले २ तथा सन्दीप लामिछाने, गुल्सन झा, नन्दन यादवले समान १ विकेट लिए । लक्ष्य पछ्याउँदै नेपालले ब्याटिङ गर्नेछ ।
