काठमाडौं । नेपालले भारतको गोवामा जारी साफ महिला च्याम्पियनसिपको सेमिफाइनलमा बंगलादेशको सामना गर्ने भएको छ ।
नेपाल समूह ए काे विजेताका रुपमा अन्तिम चारमा पुगेको हो । पहिलो खेलमा भुटानलाई १-० हराएको नेपालले आज दोस्रो खेलमा आज श्रीलंकालाई २-० ले हरायो ।
गोवास्थित नेहरू रंगशालामा नेपाललाई जित दिलाउन रश्मिकुमारी घिसिङ र रेनुका नगरकोटेले समान एक गोल गरे। बंगलादेश समूह ‘बी’ को उपविजेताका रुपमा अन्तिम चारमा पुगेको हो।
भारत ६ अंकसहित समूहको विजेता बन्यो।यसअघि भारतले आफ्नो पहिलो खेलमा माल्दिभ्सलाई ११-० ले हराएको थियो।
अर्को सेमिफाइनल भारत र भुटानबीच हुनेछ । भारत समूह ‘बी’ विजेता र भुटान समूह ‘ए’ को उपविजेता बन्दै रुपमा सेमिफाइनलमा पुगेका हुन्।दुवै सेमिफाइनल खेल बुधबार हुनेछ।
