काठमाडौं । दक्षिण अफ्रिका पहिलोपटक फिफा विश्वकपको नकआउट चरणमा प्रवेश गरेको छ ।
समूह ‘ए’ अन्तर्गतको अन्तिम खेलमा दक्षिण कोरियालाई १–० ले हराउँदै दक्षिण अफ्रिका नकआउट चरणमा प्रवेश गरेको हो ।
६३औं मिनेटमा थापेलो मासेकोले गरेको एक मात्रै गोलनै दक्षिण अफ्रिकाका लागि इतिहास रच्न पर्याप्त भयो ।
चौथोपटक विश्वकप खेलेको दक्षिण अफ्रिका पहिलोपटक समूह चरण पार गरेको हो । सन् १९९८, २००२ र २०१० मा विश्वकप खेलेको दक्षिण अफ्रिकाले समूह चरण पार गर्न सकेको थिएन । दक्षिण कोरियाले गोल गर्ने अनेकौं प्रयास गरे पनि सफल हुन सकेन् ।
दक्षिण अफ्रिकाले ३ खेलबाट ४ अंक जोड्दै समूह उपविजेताको रुपमा नकआउटमा पुगेको हो । सहआयोजक मेक्सिको ९ अंकसहित समूह विजेता बन्दै नकआउटमा स्थान बनाएको हो ।
