काठमाडौं । कुरासाओलाई हराउँदै आइभरी कोस्ट पहिलो पटक विश्वकपको नकआउट चरणमा प्रवेश गरेको छ ।
फिफा विश्वकप २०२६ अन्तर्गत शुक्रबार बिहान भएको समूह ‘ई’को खेलमा कुरासाओलाई २–० गोल अन्तरले हराउँदै आइभरी कोस्ट नकआउट चरण पुगेको हो ।
खेलमा आइभरी कोस्टका लागि दुवै गोल निकोलस पेपेले गरे । उनले खेलको ७ औं र ६४ औं मिनेटमा गोल गरे ।
यो समूहमा जर्मनी ३ खेलमा २ जित र एक हारसँगै ६ अंकसहित अंक तालिकाको शीर्ष स्थानमा रहँदै समूह विजेता बनेर नकआउट चरणमा प्रवेश गरेको हो ।
आजको जितसँगै आइभरी कोस्टले पनि समान दुई जित र एक हारसहित ६ अंक जोडेपनि गोलअन्तरमा पछि परेर समूह उपविजेतामा सीमित बन्यो ।
