काठमाडौं । पाँच पटकको विजेता ब्राजिल विश्वकप फूटबलको प्रि क्वार्टरफाइनलमा प्रवेश गरेको छ ।
अमेरिकाको ह्यूस्टन रंगशालामा एसियाली मुलुक जापानलाई २-१ ले हराउँदै ब्राजिल अन्तिम १६ मा प्रवेश गरेको हो ।
पहिलो हाफमा एक गोल खाँदै पछि परेको अवस्था उल्ट्याउँदै ब्राजिलले दोस्रो हाफमा दुई गोल गर्यो । ब्राजिलका लागि कासिमिरो र गाब्रीएल मार्टीनेली तथा जापानका लागि काइसु सानोले गोल गरे ।
मार्टेीनेलीले खेल सकिनै लाग्दा दोस्रो हाफको इन्जुरी टाइमको छैटौं मिनेटमा निर्णायक गोल गर्दै ब्राजिललाई अन्तिम १६ पुर्याए ।
खेलको २९ औं मिनेटमा काइशु सानोले गोल गर्दै जापानलाई सुरुवाती अग्रता दिलाएका थिए।
पानका लागि काइसु सानोले २९औं मिनेटमा गोल गर्दै अग्रता दिलाएका थिए । उनले मैदानको बिच भागमा ब्राजिलियन खेलाडीको मिस पासलाई कलेक्ट गर्दै एक्लै बल अगाडि बढाउँदै गोल गरे ।
तर दोस्रो हाफमा ब्राजिल खेलमा फर्कियो । ब्राजिलका लागि मिडफिल्डर कासिमिरोले ५६औं मिनेटमा हेड मार्फत गोल गरेर बराबरीमा ल्याए । ब्राजिलले दोस्रो हाफको सुरुवात देखि नै जापानमाथि लगातार दबाब बनायो र गोल गर्यो ।
त्यसपछि निकै प्रयास गर्दा पनि गोल नभएपछि निर्धारित समयको खेल बराबरीतर्फ गैरहेको देखिएको थियो । तर इन्जुरी टाइममा मार्टिनेलीले विजयी गोल गरे ।
हारसँगै जापानको विश्वकप यात्रा राउन्ड अफ ३२ मै सकिएको छ। ब्राजिलले अब अन्तिम १६ मा आइभरी कोस्ट र नर्वेबीचको विजेतासँग खेल्नेछ।
