काठमाडौं । एर्लिङ हालान्डले ८६ औं मिनेटमा निर्णायक गोल गरेपछि नर्वे फिफा विश्वकप २०२६ को प्रिक्वार्टरफाइनलमा मा प्रवेश गरेको छ ।
अमेरिकाको डलास स्टेडियममा भएको खेलमा आइभरी कोष्टलाई २–१ गोलअन्तरले हराउँदै नर्वेले प्रिक्वार्टरफाइनल पुगेको हो ।
नर्वेको जितमा एर्लिङ हालान्ड र एन्टोनियो नुसाले गोल गरे । नुसाले खेलको ३९औं मिनेटमा गोल गर्दै नर्वेलाई पहिलो अग्रता दिलाएका थिए ।
७४औं मिनेटमा अमाद डायलोले गोल गर्दै आइभरी कोष्टलाई बराबरी गोल फर्काए । तर ८६औं मिनेटमा एर्लिङ हालान्डले गोल गर्दै नर्वेलाई जिताए । अब नर्वेले क्वार्टरफाइनल प्रवेशका लागि पाँच पटकको विश्वविजेता ब्राजिलसँग खेल्नेछ
चौथोपटक विश्वकप खेलेको नर्वे तेस्रोपटक प्रिक्वार्टरफाइनलमा प्रवेश गरेको हो । नर्वे यसअघि सन् १९३८ र १९९८ मा प्रिक्वार्टरफाइनलसम्म पुगेको थियो । सन् १९९४ मा भने समूह चरणबाटै बाहिरिएको थियो ।
२८ वर्षपछि विश्वकप खेलेको नर्वेले उत्कृष्ट प्रदर्शन गर्दै आएको छ । समूह चरणमा फ्रान्ससँग पराजित हुँदा सेनेगल र इराकमाथि शानदार जित हासिल गरेको थियो
