काठमाडौं,साउन १५ । गृहमन्त्री सुधन गुरुङ आज सिरहा गएर मृतकका आफन्तलाई भेट्ने भएका छन् ।
सुनसरीको देवानगञ्जमा उनले यो जानकारी दिएका हुन् । विहीबार राति गृहमन्त्री गुरुङले देवानगञ्ज गाउँपालिकाको कप्तानगञ्जमा मृतकका आफन्तलाई भेटेका थिए । उनको उपस्थितिमा मृतकका परिवारसँग सात बुँदे सम्झौतामा हस्ताक्षर समेत भएको छ ।
सम्झौता गरेर विराटनगर पुगेका उनी सिरहा जाने कार्यक्रम तय भएको छ ।
सुनसरीमा भएको हिंसात्मक घटनाको विरोध चर्किँदा बिहीबार मधेश प्रदेशका जिल्ला समेत अशान्त छन् । सिरहामा प्रहरीको गोली लागेर धनगढीमाई नगरपालिका–तुलसियाही निवासी रामवृक्ष यादवका छोरा गणेश यादवको मृत्यु भएको थियो ।
गृहमन्त्री गुरुङले आज यादव परिवारलाई भेट्ने र जिल्लाको पछिल्लो अवस्थाबारे प्रहरी प्रशासनका अधिकारीहरुबाट जानकारी लिने कार्यक्रम छ ।
