काठमाडौं,साउन २९ । नेपाली कांग्रेसका पूर्वसभापति शेरबहादुर देउवा समूहको राष्ट्रिय भेला काठमाडौंमा सुरु भएको छ।
सुकेधारास्थित मिराकल पार्टी प्यालेसमा जारी भेलाको देउवाले उद्घाटन गरे । भेला तीन दिनसम्म चल्नेछ । भेलाको सुरुआतमा बोल्दै आयोजक समितिका संयोजक डा. शशांक कोइरालाले कांग्रेसलाई एकजुट गर्नको लागि आफूहरूले भेला राखेको समेत बताए।
भेलामा अहिले उनीनिकट नेताहरूले सम्बोधन गरिरहेका छन्। विशेष महाधिवेशन गरेर गगन थापा पार्टीको सभापति बनेपनि यो समूहले स्वीकारेको छैन ।
