काठमाडौं, साउन २९ । काठमाडौं विश्वविद्यालयको उपकुलपतिमा प्राध्यापक डा.विवेक बराल नियुक्त भएका छन् । कुलपतिसमेत रहेका प्रधानमन्त्री बालेन्द्र शाहले प्रा.डा.बराललाई शुक्रबार विश्वविद्यालयको उपकुलपति नियुक्त गरेका हुन् ।
शिक्षा तथा खेलकुदमन्त्री सस्मित पोखरेलको अध्यक्षतामा गठित समितिले केयूको मेकानिकल इन्जिनियरिङ विभागका प्राध्यापक बरालको नाम सिफारिस गरेको थियो ।
उपकुलपति सिफारिस समितिले प्रा.डा.बराल सहित प्रा.डा.बालचन्द्र लुइँटेल, र प्रा.डा.राजेन्द्र जोशीको नाम विश्वविद्यालयका कुलपतिसमेत रहेका प्रधानमन्त्री बालेन्द्र शाहसमक्ष सिफारिस गरेको थियो ।र, प्रधानमन्त्रीले बराललाई नियुक्त गरेको हो ।
