सुरज आर्केड लगायतका व्यवसायिक भवनको बेसमेन्टमा भएका पसलहरु खालि गराउन निर्देशन दिएर नगर प्रहरीको टोली फर्किएको छ। न्युरोडको सुरज आर्केडमा रहेको बेसमेन्टमा राखिएका पसलहरु दिउँसो ४ बजेसम्ममा हटाउन निर्देशन दिइएको नगर प्रहरी प्रमुख राजुनाथ पाण्डेले जानकारी दिए।
अनधीकृत सरचना भत्काउन महानगरपालिले दुईवटा डोजर तयार पारेर राखेको छ । महानगरले पछिल्लो समय अनधिकृत संरचना हटाउने अभियान चलाएको छ । मेयर शाह आफैं पुगेर विभिन्न ठाउँका अवैध संरचनाहरू भत्काएका थिए । पार्किङको लागि भनेर नक्सा स्वीकृति लिएको स्थानमा अन्य प्रयोजन गरेको भन्दै महानगरले उक्त संरचना हटाउन लागेको हो। महानगरले आइतबार भोटाहिटी र रत्नपार्क जोडिने अण्डरपासमाथि सब वेमा बनेको अवैध संरचना हटाएको थियो।
