काठमाडौं । बंगलादेश छैटौं संस्करणको महिला साफ च्याम्पियनसिप फुटबलको फाइनलमा प्रवेश गरेको छ ।
दशरथ रंगशालामा शुक्रबार भएको पहिलो सेमिफाइनलमा भुटानलाई ८–० ले हराउँदै बंगलादेश पहिलो उपाधि नजिक पुगेको हो ।पहिलो हाफमा ४–० गोलको अग्रता बनाएको बंगलादेशले दोस्रो हाफमा थप चार गोल गर्यो । बंगलादेशलाई जित दिलाउन सबिना खातुनले ह्याट्रिक गरिन् ।
यस्तै मोसाम्मत सिरात जाहन सोप्ना, श्रीमोती सरकार, रितु पोर्ना चक्मा, मसुरा प्रभिन र तोहुरा खातुनले एक एक गोल गरे । अब बंगलादेशले उपाधिका लागि नेपाल र भारतबीचको विजेतासँग खेल्नेछ ।