काठमाडौं । राष्ट्रपति विद्यादेवी भण्डारीलाई कोरोना संक्रमण भएको छ । स्वास्थ्यमा समस्या देखिएपछि महारागञ्जस्थित त्रिवि शिक्षण अस्पतालमा उपचाररत राष्ट्रपति भण्डारीलाई आइतबार कोरोना संक्रमण पुष्टि भएको हो ।
अहिले उनको स्वास्थ्य सुधारोन्मुख रहेको राष्ट्रपतिका प्रेस विज्ञ टीका ढकालले जानकारी दिए । ज्वरो हटिसकेको र शरीर दुख्ने समस्या भने कायमै रहेको ढकालको भनाइ छ ।
राष्ट्रपति भण्डारी अस्वस्थ भएपछि असोज २२ गते त्रिवि शिक्षण अस्पतालमा भर्ना गरेर उपचार थालिएको थियो । दशैको बेला सर्वसाधारणलाई टीका लगाइदिएकी भण्डारीलाई त्यहीँबाट संक्रमण भएको अनुमान गरिएको छ ।
