बुटवल । लुम्बिनीमा प्रदेश सभा निर्वाचनको प्रत्यक्षतर्फ नेकपा एमाले सबैभन्दा ठूलो दल बनेको छ । प्रत्यक्षतर्फका ५२ क्षेत्रमध्ये एमाले १८ सिट जितेर पहिलो दल बनेको हो ।

नेपाली कांग्रेस १७ सिट सहित दोस्रो स्थानमा छ ।  नेकपा माओवादी केन्द्रले जम्मा पाँच सिट जितेर तेस्रो बनेको छ ।यसपटक सत्तारुढ दलहरुबीचको गठबन्धन हुँदा प्रत्यक्षतर्फ नेकपा एमालेले ९ सिट गुमाएको छ भने माओवादी केन्द्रले पनि ९ सिट गुमाएको छ । कांग्रेसले भने गठबन्धन गरेर  १० सिट फाइदा गरेकाे छ । 
माओवादीबाट बागी बनेर चुनाव जितेका तीन जना फेरि पार्टीमै फर्किए भने माओवादीको १२ सिट हुनेछ । 

यस्तै, जनता समाजवादी पार्टी, लोकतान्त्रिक समाजवादी पार्टी, राष्ट्रिय प्रजातन्त्र पार्टी र नागरिक उन्मुक्ति पार्टीले समान दुई–दुई सिट जितेका छन् । तीन सिट माओवादीका बागी उम्मेदवारले जितेका छन भने सिके राउत नेतृत्वको जनमत पार्टीले पनि एक सिट जितेर प्रदेश सभामा प्रतिनिधित्व सुरक्षित गरेको छ । यसअघिको प्रदेश सभामा पाँच दलको प्रतिनिधित्व थियो भने अब कम्तीमा ८ दलको प्रतिनिधित्व हुनेछ । लुम्बिनी प्रदेश सभामा नागरिक उन्मुक्ति पार्टी,जनमत र राप्रपा नयाँ दल हुन् ।
०७४ चुनावमा एक सिट जितेको राष्ट्रिय जनमोर्चा प्रतिनिधित्वविहीन बनेको छ ।  उसले अर्घाखाँचीमा सागर केसीलाई जिताउन देशभरिका अरु सबै ठाउँमा उम्मेदवारी निष्क्रिय पारेको थियो । नेकपा एकीकृत समाजवादीले पनि कुनै सिट जित्न सकेन्  । 

२०७४ को प्रदेश सभा निर्वाचनमा वाम तालमेल गरेर  प्रत्यक्षतर्फ एमालेले २७, माओवादी केन्द्रले १४, नेपाली कांग्रेसले ७, जसपाले २, तत्कालीन राष्ट्रिय जनता पार्टी (राजपा) ले एक  र हृदयेश त्रिपाठीको स्वतन्त्र राजनीतिक समूहले एमालेको चुनाव चिन्हमा एक सिट जितेका थिए ।

कुन दलकाे कति ? 

नेकपा एमाले 
१. लिला गिरी-रुपन्देही २(१)
२.भोजप्रसाद श्रेष्ठ-रुपन्देही २(२)
३. तुल्सीप्रसाद चौधरी-रुपन्देही-३(२)
४. भुमिश्वर ढकाल-रुपन्देही ५(१)
५.चिन्तामणि पाण्डे-गुल्मी १(१)
६.डिल्लिराज भुसाल-गुल्मी २(१)
७. दिनेश पन्थी-गुल्मी २(२)
८.राजुप्रसाद श्रेष्ठ-पाल्पा १(१)
९. खेमबहादुर सारु -पाल्पा १(२)
१०.चेतनारायण आचार्य-अर्घाखांची १(२)
११.राजजीप्रसाद घिमिरे-अर्घाखांची १(२)
१२.विष्णु पन्थी-कपिलवस्तु १(१)
१३.मधुशरणप्रसाद चौधरी-कपिलवस्तु १(२)
१४.नवराज लामिछाने-कपिलवस्तु २(१)
१५.अर्जुनकुमार केसी-कपिलवस्तु ३(१)
१६.तुल्सीराम शर्मा-प्युठान १9१)
१७.दुर्गाप्रसाद चौधरी-बांके १(२)
१८.रत्नबहादुर खत्री-बांके ३(१) ।

नेपाली कांग्रेस 

१.विश्वप्रेम पाठक-नवलपरासी १(१)
२.देवकरणप्रसाद कलवार- नवलपरासी १(२)
३.अब्दुल रज्जाक गद्दी-रुपन्देही १(२)
४.वसिउद्दिन खां-रुपन्देही ४(२)
५.सुधाकर पाण्डे -कपिलवस्तु २(२)
६.सरोज थापा -रोज राणा)-प्युठान १ (२)
७.अनुराग खड्का-दाङ १(२)
८.राजु खनाल-दाङ २(१)
९.प्रचण्डविक्रम न्यौपाने -दाङ २(२)
१०. डिल्लीबहादुर चौधरी-दाङ ३(१)
११.बादशाह कुर्मी-बांके ३(२)
१२.धनबहादुर केसी-रुकुमपुर्व १(२)
१३.भुवनेश्वर चौधरी-बर्दिया १(१)
१४.जन्मजय तिमिल्सेना-बर्दिया २(१)
१५.बीरबहादुर राना-पाल्पा २(१)
१६.धनेन्द्र कार्की-गुल्मी १(२)
१७.बैजनाथ कलवार जैसवाल-नवलपरासी २(२)

नेकपा (माओवादी केन्द्र)

१.जोखबहादुर महरा-रोल्पा १(१)
२.इन्द्रजित थारु -दाङ १(१)
३.कृष्णा केसी-बांके १(१)
४.तुलाराम घर्ती-पाल्पा २(२)
५.धनबहादुर मास्की-दाङ ३(२)

राष्ट्रिय प्रजातन्त्र पार्टी
१.आशिषकुमार चौधरी-रुपन्देही १(१)
२.जानकीप्रसाद यादव-कपिलवस्तु ३(२)

जनता समाजवादी पार्टी
१.भण्डारीलाल यादव-बाँके २(१)
२.आदेशकुमार अग्रवाल-बाँके २(२)

नागरिक उन्मुक्ति पार्टी
१.राजकुमार चौधरी-बर्दिया १ (२)
२.धर्मबहादुर चौधरी-बर्दिया २ (२)

लोकतान्त्रिक समाजवादी पार्टी

१.सन्तोष पाण्डे -रुपन्देही ३ (१)
२.कन्हैया बनिया-रुपन्देही ४(१)

जनमत पार्टी
१.चन्द्रकेश गुप्ता-रुपन्देही ५(२)

स्वतन्त्र

१.दीपेन्द्र पुन-रोल्पा १(२) (माओवादीका बागी)
२.सरुल पुन-रुकुमपूर्व १(१) (माओवादीका बागी)
३.खड्ग बस्नेत-नवलपरासी २(२)(माओवादीका बागी)