शनिबार, जेठ ५ गते २०८१
Logo
शनिबार, जेठ ५ गते २०८१
images

आईपीएल : गुजरातलाई हराउँदै चेन्नई १०औं पटक फाइनलमा

आईपीएल : गुजरातलाई हराउँदै चेन्नई १०औं पटक फाइनलमा

काठमाडौं । गुजरात टाईटन्सलाई १५ रनले हराउँदै चेन्नई सुपर किङ्स ईण्डियन प्रिमियर लिग आईपीएलको फाईनलमा प्रवेश गरेको छ । घरेलु मैदानमा टस हारेर पहिला ब्याटिङ गरी ७ विकेटको क्षतिमा  १ सय ७२ रन बनाएको चेन्नईले गुजरातलाई १ सय ५७ रनमा रोक्यो । गुजरातले २० ओभर पुरै खेलेर सबै विकेट गुमाउँदै १५७ रन मात्रै बनाउन सक्यो ।

साझा पोष्ट
मंगलबार, जेठ ९ २०८०
  • images
    आईपीएल : गुजरातलाई हराउँदै चेन्नई १०औं पटक फाइनलमा
    images

    काठमाडौं । साविक विजेता गुजरात टाईटन्सलाई १५ रनले हराउँदै चेन्नई सुपर किङ्स ईण्डियन प्रिमियर लिग (आईपीएल)को फाईनलमा प्रवेश गरेको छ । 

    images
    images
    images

    योसँगै महेन्द्रसिंह धोनीको चेन्नई पाँचौ उपाधिको नजिक पुगेको छ । चेन्नई आईपीएलको फाईनल पुगेको याे दशौं पटक हाे । 

    images
    images

    मंगलवार राति घरेलु मैदानमा टस हारेर पहिला ब्याटिङ गरी ७ विकेटको क्षतिमा  १ सय ७२ रन बनाएको चेन्नईले गुजरातलाई १ सय ५७ रनमा रोक्यो । गुजरातले २० ओभर पुरै खेलेर सबै विकेट गुमाउँदै १५७ रन मात्रै बनाउन सक्यो ।

    उसका लागि ओपनर शुभमन गिलले ४२ र आठौं नम्बरमा ब्याटिङ गर्न आएका राशिद खानले आक्रामक ३० रन जोडे पनि जिताउन सकेनन् । राशिदले १६ बलमा तीस रन बनाए ।  यस्तै दशुना सनाकाले १७, विजय शंकरले १४ र रिद्धिमान शाहले १२ रन बनाए । 

    चेन्नईका लागि दीपक चहर, रवीन्द्र जडेजा, मथिसा पथिराना र महेश थिकसानाले समान २ विकेट लिए । 

    यसअघि घरेलु मैदानमा  टस हारेर पहिला ब्याटिङ गरेको चेन्नईले निर्धारित २० ओभरमा ७ विकेट गुमाउँदै १ सय ७२ रन बनाएको थियो । चेन्नईका ओपनर ऋतुराज गायकवाडले ४४ बलमा ७ चौका र १ छक्कासहित सर्वाधिक ६० रन बनाए । 

    डेभन कन्वेले ३४ बलमा ४० रन बनाए । अजिंक्या रहाणे र अम्बाती रायुडू समान १७ रनमा आउट भए । कप्तान महेन्द्रसिंह धोनी एक रनमै क्याच आउट भए । रविन्द्र जडेजा १६ बलमा २ चौकासहित २२ रनमा आउट भए । मोईन अली ४ बलमा १ छक्कासहित ९ रनमा नटआउट रहे ।

    गुजरातका मोहित शर्माले ४ ओभरमा ३१ रन खर्चेर २ विकेट लिए । नुर अहमदले ४ ओभरमा २९ रन खर्चेर १ विकेट लिए । राशिद खानले ४ ओभरमा ३७ रन खर्चेर १ विकेट लिए ।

    मोहम्मद शामीले ४ ओभरमा २८ रन खर्चेर २ विकेट लिए ।दर्शन नालकंडेको नाममा एक विकेट रह्यो ।  पराजित गुजरातले अब दोस्रो क्वालिफायर खेल्न पाउनेछ ।

    बुधबार एलिमनिटेर खेलमा मुम्बई इन्डियन्स र लखनऊ सुपर जायन्ट्सबीच प्रतिस्पर्धा हुनेछ । उक्त खेलको विजेताले फाइनलमा पुग्न दोस्रो क्वालिफायरमा गुजरातसँग शुक्रबार प्रतिस्पर्धा गर्नेछ । आइपिएलको फाइनल आइतबार अहमदाबादमा हुनेछ ।

    प्रतिक्रिया हरु
    साताको लोकप्रीय
    थप समाचार