काठमाडौँ। सनराईजर्स हैदरावादले एक हप्ता अघि आफैले बनाएको सबैभन्दा धेरै रनको कीर्तिमान तोड्दै इन्डियन प्रिमियर लिग (आईपीएल) मा रोयल च्यालेन्जर्स बेंगलोरलाई २८८ रनको लक्ष्य दिएको छ।
टस हारेर पहिला ब्याटिङ गरेको हैदरावादले निर्धारित २० ओभरमा ३ विकेट गुमाएर २८७ रन बनाएर कीर्तिमान कायम गरेको हो । यो आईपीएल इतिहासकै सबैभन्दा ठूलो योगफल हो । एक हप्ता पहिले हैदरावादले मुम्बई इन्डियन्सविरुघ २७७ रन बनाउँदै १३ वर्ष पुरानो रेकर्ड तोडेको थियो । तर एक हप्तापछि नै उसले आफ्नै रेकर्ड ब्रेक गर्यो ।
हैदरावादका ट्राभिस हेडले सर्वाधिक १०२ रनको शतिकय इनिङ खेले। उनले ४१ बलको सामना गर्दै ९ चौका र ८ छक्क प्रहार गरे।
यस्तै, हेनरिक क्लासेन ६७ र अभिषेक शर्मा ३४ रनमा आउट भए।पहिलो विकेटका लागि अभिषेक र हेडले १०८ रनको साझेदारी गरेका थिए। एडेन मार्कराम ३२ र अब्दुल समद ३७ रनमा नटआउट रहे। समादले १० बलमा ४ चौका र घ छक्का हाने ।
बेंगलोरका लकी फर्ग्युसनले सर्वाधिक २ विकेट लिए। रिस टोपलेको नाममा १ विकेट रह्यो।
