काठमाडौं,असोज २३ । ठगी गरेको आरोपमा नेपाली कांग्रेसको केन्द्रीय सदस्यकी उम्मेदवार रामेछापकी विनिता खड्का पनि पक्राउ परेकी छन् ।
जीटूजीबाट इजरायलमा केयरगिभरमा पठाइदिने प्रलोभन देखाई साढे दुई करोड रूपैयाँभन्दा बढी प्रकरणमा उनलाई पक्राउ गरिएको हो । यसअघि चारजनालाई सीआईबीले पक्राउ गरिसकेको छ । उनी विशेष महाधिवेशनबाट पनि केन्द्रीय सदस्यमा निर्वाचित भएकी थिइन् ।
यसअघि रामेछापकै भरत चौलागाईँ र बालिका शिवाकोटीसहितलाई प्रहरीले पक्राउ गरेको थियो । चौलागाईँ कांग्रेसकै नेता हुन् ।
