काठमाडौ । महानगरपालिकाका नवनिर्वाचित मेयर बालेन साहले काठमाडौं उपत्यकाको फोहर व्यवस्थापन सम्बन्धि जानकारी लिन नुवाकोट स्थित ओखरपौवाको डम्पिङ क्षेत्र पुगेका छन् ।
मेयर साहले शुक्रबार साँझ ओखरपौवाको डम्पिङ क्षेत्रको अनुगमन गरेका हुन् । त्यसक्रममा उनले स्थानीयको माग सम्बोधन गरेर जाने बताए । त्यसका लागि योजना पनि बनाइसकेको उनको भनाइ छ ।
विहान मात्रै मेयरमा निर्वाचित भएको घोषित भएका बालेन धन्यवाद र्यालीमा सहभागी भएलगत्तै सिसडोल र बन्चरेडाँडा पुगेका हुन् । बन्चरेडाँडामा फोहोर बिसर्जनका लागि गएका गाडीलाई स्थानीयबासीले कतै ढुंगाहरु राखेर अवरोध गरेका छन् भने कतै तगाराहरु राखेका छन् । ती अवरोधहरु छिचोल्दै मेयर दुर्बै डम्पिङ साइटमा पुगेका हुन् ।
काठमाडौंको फोहोर व्वस्थापन गर्नु चुनौतीपूर्ण रहेका बेला मेयर साहले ओखरपौवा डम्पिङ साईटको अनुगमन गरेका हुन् ।
